E rëndë në Greqi/ Një grua shqiptare përdhunohet për orë të tëra, ja si arriti të shpëtojë

Një ngjarje tronditëse ka ndodhur së fundmi në Greqi.

Mësohet se një shqiptare është përdhunuar për orë  të tëra gjatë kohës që ishte në punë.

Sipas mediave greke, gruaja 51-vjeçare ka treguar para hetuesve se po pastronte një pallat në Petralona, zonë qendrore të Athinës, kur një shtetas bullgar e ka tërhequr me dhunë në apartamentin e tij dhe e ka përdhunuar, nga ora 8 e mëngjesit të së shtunës deri në orën 17:00.

Më pas ajo ka arritur të dalë në ballkon dhe të thërrasë për ndihmë.

Banorë dhe kalimtarë të rastit kanë njoftuar policinë, e cila ka mbërritur menjëherë në vendin e ngjarjes. Sipas raportimeve, autori, është arrestuar prej efektivëve disa orë më vonë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Në lidhje me rastin, mbrëmjen e djeshme, rrugët e kryeqytetit grek janë mbushur nga aktivistë për mbrojtjen e grave, të cilët protestuan në lidhje me përdhunimin e 51-vjeçares shqiptare.