“Mos e hapni frigoriferin” Shtëpia e ‘ferrit’ del në shitje me çmimin marramendës, 16 oferta në 24 orët e para

Ajo është një shtëpi e shkatërruar dhe e ndotur.

Një agjent pasurish e ka përshkruar si një “copë e vogël ferri”.

Madje objekti është në shitje për 427 mijë paund.

Por edhe pse ndodhet në gjendje të tmerrshme, qytetarët kanë shfaqur interes për ta blerë.

Bëhet fjalë për një pronë me pesë dhoma gjumi në ‘Colorado Springs’ në SHBA, e cila është mes shtëpive të tjera që kanë çmime shumë më të shtrenjta.

Nga jashtë ajo duket në rregull, por brenda mban një erë të rëndë, si dhe shumë vandalizëm e shkatërrim.

Mimi Foster, agjentja e pasurive, teksa reklamoi pronën, shkroi : “Nëse ëndërroni të zotëroni copën tuaj të vogël të ferrit dhe ta ktheni atë në një copë parajsë, atëherë mos kërkoni më tej.”

Reklamimi i zonjës duket se ka funksionuar, pasi pas paralajmërimit të saj për “të mos hapur frigoriferin”, ofertat e para mbërriten.Më tej ajo shkroi se do të pranohen oferta nga njerëzit që kanë ardhur për ta “nuhatur atë së pari”.

Ajo pretendon se ka marrë 16 oferta në 24 orët e para që shtëpia doli në treg. Dyshohet se shtëpia u shkatërrua nga një qiramarrës i papërgjegjshëm, që e mbante atë më parë.