Trafikonte dro gë nga liqenit i Ohrit drejt Maqedonisë së Veriut, një i arrestuar, në kërkim i vëllai 

Policia e Pogradecit ka arrestuar një 35-vjeçar, i cili u kap teksa po trafikonte lëndë narkotike drejt Maqedonisë së Veriut. Adrian Papajani përdorte liqenin e Ohrit për të dërguar me varkë ngarkesën e kanabisit në shtetin fqinj.

Policia ka shpallur në kërkim edhe vëllain e tij, Fatjon Papajanis 29 vjeç, të dy  banues në fshatin Hudënisht.

Njoftimi i Policisë:

“Nga veprimet hetimore të kryera rezulton se këta dy shtetas në bashkëpunim me njëri-tjetrin, kryenin aktivitetin e paligjshëm të trafikimit të lëndëve narkotike nga Shqipëria, në drejtim të Maqedonisë së Veriut, duke përdorur kufirin liqenor të Ohrit. Falë veprimeve të mirëorganizuara, u bë e mundur kapja në flagrancë e shtetasit A. P., duke tentuar të trafikonte 1 kg lëndë të dyshuar narkotike kanabis, sasi e cila iu sekuestrua në cilësinë e provës materiale së bashku me një varkë, dy motora uji tip “Yamaha”, dy peshore elektronike, mjete të cilat përdoreshin nga dy vëllezërit në këtë veprimtari të paligjshme” njofton policia.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern