Jugu i vendit është tronditur nga një ngjarje e rëndë mëngjesin e sotëm. Një 35-vjeçar i identifikuar si Spiro Iljadhi, është qëlluar me breshëri kallashnikovi në qytetin e Sarandës.
Ndaj Iljadhit është qëlluar me mbi 20 plumba duke e lënë të plagosur rëndë. Pas marrjes së ndihmës së parë në spitalin e qytetit, ai është dërguar me helikopter drejt Spitalit të Traumës në Tiranë.
Spiro Iljadhi është pronari i Clubit “Orange” në qytetin e Sarandës dhe ish-futbollist i ekipit të Butrintit.
Polica ka nisur hetimet e ngjarjes teksa ende mbeten të pazbardhura motivet e atentatit ndaj 35-vjeçarit.