Spanja nuk ia del te fitojë as në ndeshjen e dytë në grup përballë Polonisë. Përfaqësuesja iberike shpërdoroi epërsinë fillestare ndaj skuadrës së Paulo Sosas si dhe 11-metërsh në pjesën e dytë duke barazuar 1-1 në “Estadio La Cartuja” të Sevilles, në të njëjtin impiant ku 5 ditë më parë kishte barazuar 0-0 me Suedinë.
Tashmë “La Rojas” i duhet patjetër fitorja në takimin e fundit me Sllovakinë për të paktën vendin e dytë, ndërsa barazimi në takimin e tretë në grup mund të mos mjaftojë as për vendin e tretë (nëse fiton Polonia me Suedinë, Spanja pa fitore me Sllovakinë do të përfundonte në vendin e fundit).
Ndeshja nisi mirë për Poloninë, që u shfaq që në fillim e rrezikshme në zonën e Spanjës, por golin e parë e gjeti Alvaro Morata në të 25-tën. Anësori ngriti flamurin për pozicion jashtë loje, por pas verifikimit të pamjeve nga sistemi VAR, futbollistët e Spanjës nisën festën, 1-0.
Moreno në të 34-tën godet ngjitur me shtyllën, ndërsa në fundin pjesës së parë Swiderski ndalet shtyllën dhe në vijim të aksionin Lewandowski humb një rast të pabesueshëm farë pranë portës.
Gjithsesi, sulmuesi i Bayernit të Mynihut do ta shlyente gabimin në minutën e 54-t me një devijim të saktë me kokë, 1-1.
Vetëm pak çaste më vonë Moreno do të fitonte një 11-metërsh, që e merr përsipër vetë, por gabon, duke goditur shtyllën në në vazhdim të aksionit as Morata nuk arrin ta shtyjë topin drejt rrjetës.
Spanja e kërkoi me ngulm fitoren në minutat e mbetura, por nuk ia doli të thyente mbrojtjen polake dhe vërshëllima e trefishtë e Orsatos sanksionoi barazimin në këtë përballje që gëzoi polakët, të cilët me një fitore ndaj Suedisë do të siguronin vendin e dytë./supersport
