Babis Anagnostopoulos ndodhet pas hekurave pasi pritet të përballet me akuzat për dy krime, pasi vrau gruan 20-vjeçaren Caroline.
Ndërkohë Babis ka refuzuar të vizitohet nga një mjek psikiatër duke theksuar se është i vetëdijshëm për atë që ka ndodhur.
“Falja është një fjalë e vogël. Jam i shkatërruar… Më intereson vetëm fëmija, kam fshehur të vërtetën vetëm që të jem në gjendje ta rris atë. Unë e meritoj ndëshkimin tim dhe refuzova të ekzaminohem nga një psikiatër. Unë jam plotësisht i vetëdijshëm për atë që ka ndodhur”, tha Babis.
32-vjeçari tha se nuk donte të shkonte në burg dhe fëmija e tyre të mbetej vetëm, prandaj e kishte gënjyer policinë.
Duke përshkruar veprimet që bëri pasi vrau të shoqen ai tha se me dorezat e motorit, ai hoqi kartën e regjistrimit të kamerave të sigurisë.
Më pas hoqi dritaren në bodrum për ta bërë të duket se grabitësit ishin larguar nga andej dhe më pas fshehu bizhuteritë e Caroline. Ndërsa në lidhje me 10 mijë eurot për të cilat u tha policëve se mungonin dhe dyshohet se ishin marrë nga grabitësit, u zbulua se ato nuk kishin qenë kurrë në banesën e çiftit.
