Në bisedat virtuale të këngëtares Enca Haxhia nuk mungojnë pyetjet pikante, të cilave këngëtarja vendos t’u përgjigjet publikisht.
Mbrëmjen e kaluar, artistja vendosi t’i kushtojë pak kohë edhe fansave të saj, që janë shumë kuriozë të dinë shumëçka për jetën profesionale dhe private të saj.
“A je për me ba dashni?”, ishte një nga pyetjet e sikletshme, së cilës ajo iu përgjigj: “Çdo ditë”.
Një tjetër komentues i shkruante se si ka mundësi që një vajzë kaq e bukur sa Enca nuk është martuar ende.
“Më duhet ujë i shenjtë për sytë pas kësaj pyetjeje…”, shkroi Haxhia.
Këngëtarja 25-vjeçare nuk nguroi t’i përgjigjej edhe një tjetër pyetjeje shumë pikante.
“1 milion dollarë për një natë?”, i shkruante ndjekësi, të cilit Enca i tha: “Euro”.
Midis mesazheve të shumta, artistja vuri re se kishte shumë pyetje për bullizmin. Duke mbështetur fansat, artistja zbuloi se edhe ajo është bullizuar, por tani e di se çfarë vlere ka dhe se kush është, prandaj nuk i bëhet vonë fare se çfarë thonë të tjerët për të.
“Njerëzit që më kanë bullizuar në të shkuarën, tani më luten për mesazhe, mesazhe me zë, foto, autografe për kushërinjtë e tyre ose motrat dhe vëllezërit, fëmijë që më duan. Kjo duhet të jetë edhe historia juaj”, shkroi 25-vjeçarja.