LIGJET E BIZNESIT
Vijojnë të dalin detaje të tjera tronditëse në lidhje me vrasjen e 20-vjeçares britanike Caroline Crouch nga bashkëshorti i saj grek, Babis Anagnostopoulos.
Sipas mediave greke, policia përdori manualin e FBI në Amerikë për krimin e rëndë.
Është një rregull i FBI që konsiderohet si i artë: “Në rastin kur ka ndodhur një vrasje nga grabitës të dyshuar, por viktimë nuk ka rënë personi që është kërcënimi më i madh- zakonisht mashkulli apo anëtari më i fortë i familjes- por gruaja, atëherë duhet rivlerësuar e gjithë skena e krimit me shumë kujdes për çdo detaj”.
Më tej, rregulli thekson se kur viktima është mbytur, pra nuk janë përdorur armët konvencionale të grabitësve siç është pistoleta apo thika, atëherë marrëdhënia mes autorit dhe viktimës është më e ngushtë.
“Në përgjithësi, sa më shumë prova të ketë se mbi viktimën është ushtruar dhunë më tepër nga sa është e nevojshme për të vrarë dikë, shanset janë që autori të jetë një i afërt”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Autori i vrasjes u mor nga policia kriminale një ditë më parë me helikopter. Ai ishte në varreza, kur policët iu afruan dhe i thanë se duhej të mos bënte skena, pasi kishte shumë kamera.
Në polici, Babis ka treguar se si e vrau edhe qenin, për ta bërë skemën e tij më bindëse. Madje shtoi se e kishte provuar edhe më parë se si do e lidhte qenin. Pas këtij rrëfimi shokues, ai ka shprehur keqardhje dhe ka deklaruar se meriton dënimin më të rëndë.
