LIGJET E BIZNESIT
Policia e Durrësit ka arrestuar një 23-vjeçar, pasi u bë shkaktar i një aksidenti të rëndë në aksin rrugor Fushë Krujë- Tapizë, në të cilin mbeten të plagosur 4 persona.
Policia bën me dije se është prangosur i riu me iniciale A.V., 23 vjeç, banues në Fushë Krujë, pasi një ditë më parë, në segmentin rrugor Fushë Krujë- Tapizë, duke drejtuar mjetin tip “Benz”, është përfshirë në aksident rrugor me mjetin tip “Opel”, me drejtues shtetasin me iniciale A. D. dhe mjetin tip “Jeep”, me drejtues shtetasin me inicilae I. T.
“Për pasojë janë lënduar shtetasit M. D., 32 vjeçe dhe një fëmijë 7-muajsh, pasagjerë në mjetin tip “Benz”, dhe V. H., 47 vjeç dhe një fëmijë 1 vjeç, pasagjerë në mjetin tip “Opel”, banues në Fushë Krujë, të cilët ndodhen nën kujdesin e mjekëve.”, njofton policia.
Materialet i kaluan Prokurorisë së Rrethit Gjyqësor Durrës, për veprime të mëtejshme.
