Rama takohet me Blinken në Bruksel

Kryeministri Edi Rama do të takohet me sekretarin Amerikan të shtetit Antony Blinken në orën 17:30 në Bruksel.

Ky i fundit ka udhëtuar drejt Belgjikës dhe në axhendën e publikuar nga vetë Departamenti Amerikan i Shtetit, shihet se ka rezervuar dhe një takim me kreun e qeverisë, Edi Rama.

Blinken ndodhet në Europë për të shoqëruar Presidentin e SHBA, Joe Biden gjatë vizitave të tij në Britaninë e Madhe, Belgjikë e Zvicër.

Blinken do e shoqërojë Bidenin edhe në Samitin e NATO-s më 14 qershor dhe në Samitin SHBA-BE më 15 qershor.

Në fund ai do të jetë pjesë edhe e takimit Biden-Putin në Gjenevë.