“Merr kë të duash, unë vij vetëm”/ Meta sfidon Ramën, cili është “asi nën mëngë” i Presidentit, ndërsa paralajmëron prova të reja

Përveç temës së patronazhistëve që është kthyer dhe në meme këto ditë, Presidenti foli edhe për sjelljen e provave të reja, si një tronditje për situatën politike në vend, e sidmos mazhorancën.

“Ju e dini që unë e mbaj fjalën”, tha kreu i shtetit, ndërsa nuk dha më shumë detaje se për çfarë bëhet fjalë dhe çfarë ka në dorë Presidenti , i cili është i bindur se 25 prilli do të jetë një referendum që do të rrëzojë socialistët nga pushteti.

Meta bëri thirrje edhe njëherë për një përballje mes kandidatëve për kryeministër , ndërsa vetë ai tha se është gati ta takojë kryeministrin Rama kur të dojë ai, duke ironizuar se ai mund të marrë kë të dojë me vete, qoftë edhe 500 patronazhistët e tij, ndërsa kreu i shtetit do jetë vetëm.

Presidenti do t’ju faktojë me prova dhe dëshmitarë konkret se si është ndërtuar një rrjet dhunues, mafioz i tipit Gestapos, përmes gjojave patronazhistë, që duan të bëhet tutor të qytetarëve shqiptar duke u bërë presion për shërbimet që shteti duhet t’ia realizojë pa asnjë kusht, Presidenti do vijë me fakte”, tha Meta.

Ai shtoi se në 25 prill, “demokracia nuk do të bëhet kurban”.

“Demokracia nuk bëhet kurban në 25 prill dhe ne do e tregojmë që jemi në popull shqiponjash dhe jo sorrash që na mbysin sorrat”, tha Meta.

Pjesë nga deklarata

Meta tha më tej se: Presidenti ka veëm një fushatë mbrojtjen e kushtetutës. Do t’ju faktoj ju me prova e dëshmitarë se si është ndërtuar një rrjet dhunues mafioz i tipi Gestapo përmes gjoja patronizhtëstëve duke bërë presion e shantazh me shërbimet që shteti ka për detyrë tua përmbushë. Do vi me fakte. Duhet të marrë fund në këtë vend pandëshkueshmëria e kapja e shtetit.

Keni deklaruar se për Shqipërinë le të shuhen edhe fëmijët e mi si të Adem Jasharit…

Jam President e kryetar shteti i familjes së madhe. Demokracia nuk bëhet kurban më 25 prill. Do tregojmë se jemi popull shqiponjash jo fuksash që na shtypin patronazhistat.

Do t’i ftoja kandidatët për kryeministra të përballin me qetësi programet e tyre. Drejtuesit e qarqeve të bëjnë të njëjtën gjë. Është shqetësuese, kemi garë, po nuk kemi debate. S’kemi ballafaqim që qytetarët të kuptojnë ku janë dallimet në shëndetësi, arsim turizëm. Shpresoj reflektim nga të gjithë.