“Ja pse iu bashkova PD” Flet ish-drejtuesi i FRESSH: Koha e Ramës ka mbaruar

Ish-drejtuesi i FRESSH në Durrës, Ardit Kërtusha është shprehur sot në mbrëmje se në zonën e Kënetës janë larguar nga Partia Socialiste rreth 100 socialistë, të cilët iu bashkuan Partisë Demokratike.

Sipas tij ngjarja ndodhi ditën e djeshme.

Ndër të tjera Kërtusha u shpreh se Edi Rama i ka ditët e numëruara në politikën shqiptare, duke e cilësuar si liderin më cinik në botë.

“Kam takuar Lulzim Bashën, është një lider normal, një lider europian. Jam i sigurtë se nëse do të kishte kohë dhe të takonte personalisht shqiptarët, atëherë të jeni të sigurtë se mbi 99 % e shqiptarëve do e pranojnë si Kryeministrin e ardhshëm”, tha Kërtusha.

Ai tha se bashkëqeverisja PS-PD nuk ka asnjë sens, ndërsa u shpreh se më mirë do të ishte që vendi të shkojë në zgjedhje të njëpasnjëshme se sa të durojë 4 vite një bashkëqeverisje që nuk prodhon asgjë dhe vendi mbetet pa opozitë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Koha e Ramës ka mbaruar, në 25 prill humbet zgjedhjet”, tha Kërtusha.