Pse infektohemi dhe pas dozës së parë të vaksinës? Ja si e shpjegon Brataj këtë fenomen

Kreu i Urgjencës Kombëtare Skënder Brataj ka sqaruar së fundmi se nuk është vaksina ajo që shkakton sëmundjen e k oronavirusit, por infektimi me SARS C OV2.

Ai shprehet se ka patur jo pak raste të infektimit dhe kur është marrë doza e parë e injeksionit.

Gjithashtu ndër të tjera Brataj shton: përgjigja imunitare pas dozës së parë nuk është e lartë që të na mbrojë nga infektimi, por sidomos nga format e rënda.

Ndër të tjera ai thotë se vërtet vaksina ul infeksionin dhe rastet e rënda, por nëse infektohemi në periudhën midis dozës së parë dhe të dytë, atëherë rreziku është i lartë.

“Nuk është vaksina që shkakton sëmundjen e Covid-19, por infektimi me SarsCov2. Specifikoj se ka pasur raste për të gjitha llojet e vaksinave që janë soministruar në Shqipëri! Antitrupat kundër SarsCov2 fillojnë në javën e dytë pas injektimit të vaksinës.

Po ashtu përgjigja imunitare pas dozës së parë nuk është e lartë që të na mbrojë nga infektimi, por sidomos nga format e rënda. Antitrupat fillojnë të prodhohen në nivele të larta pas 7-10 ditësh nga marrja e dozës së dytë. Vërtet që vaksina ul infeksionin dhe rastet e rënda por nëse infektohemi në periudhën midis dozës së parë dhe të dytë rreziku është i lartë.

Ne mund të infektohemi dhe të shfaqim sëmundjen e Covid-19 me të gjitha format e sajë, të lehta, të mesme dhe të rënda”, thotë Brataj.