LIGJET E BIZNESIT
Gjatë një aktiviteti me vajz dhe gra në Tiranë, kryeministri Edi Rama e ka nisur në mënyrën më të papritur fjalimin e tij.
Kryeministri duke iu referuar mediave, u shpreh se lajmi i fundit është se ai ka bërë botoks për zhdukjen e rrudhave. Duke ironizuar lajmet në portale të ndryshme, kreu i qeverisë tha se ka një arsye se pse fytyra e tij është më e qeshur seç ishte. Sipas Ramës kjo ka të bëjë me procesin e vaksinimit që ka nisur në vend, të cilin ai e cilëson se “dielli që ka nisur të shkëlqejë përsëri në Shqipëri”.
“Lajmi i fundit është që unë kam bërë botoks. Është lajm në mediat që i bëjnë gjithë kohës botoks sondazheve të Lulit, fushatës, partisë së Lulit dhe nuk lënë laps pa përdorur për t’i shtuar çdo ditë rrudhave imazhit të Shqipërisë për t’ja zhgarravitur fytyrën këtij vendi, faqen dhe për tua ekspozuar çdo ditë karikaturën e shpirtit të tyre. Unë botoks?! E pse kam bërë? Sepse u jam dukur papritur i qeshur dhe lëkura ime është dukur si lëkura e Fevziut me shkëlqim. Ka një arsye pse unë jam pak më qeshur seç isha, sa nuk jam më aq i ngrysur. Lodhja dhe stresi shihen më pak në fytyrën time, nuk është botoksi, por dielli që ka filluar të shkëlqejë përsëri mbi Shqipëri,” tha Rama.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
