Luljeta Bozo thirrje vajzave e grave: Votoni të gjitha PS-në si e vetmja parti që beson në forcën tonë!

Kandidatja e Partisë Socialiste për Tiranën Luljeta Bozo ka vlerësuar maksimalisht angazhimin e kësaj force politike, për atë që është bërë për gratë dhe vajzat.

Në takimin elektoral të kryeministrit Edi Rama në Tiranë, kandidatja Bozo tha se Partia Socilaiste bëri të mundur përfaqësim më të lartë të grave në Kuvend si dhe qeveri. Ajo kërkoi gjithashtu votën e grave për PS-në.

“Në motra dhe shoqe jemi gjysma e shoqërisë. PS është e vetmja forcë që beson në forcën tonë jo me fjalë por me vepra. Bëri të mundur që në parlamentin tonë të ketë një kuotë përfaqësimi nga gra dhe vajza. Në qeverisje ka kaq shumë gra ministre. Ka ndërmarrë gjithë ato politika lehtësuese për gra dhe vajza që duan të futen në tregun e punës. Është kjo forcë që beson fort në misionin  veçantë që ka gruaja. Ka kontribuar që të shtohet numri i lindjeve që të mos plaket kombi. Ju ftoj që të dalim të gjitha në votime dhe të votojnë për PS,” tha Bozo.