LIGJET E BIZNESIT
Analisti Ben Andoni ka deklaruar se një bashkëpunim mes kryeministrit Edi Rama dhe kreut të PD Lulzim Basha nuk është i pamundur.
Sipas tij kjo gjë duhet parë më 26 prill, nëse diferenca mes dy forcave të mëdha politike do të jetë shumë e ngushtë.
“Ky është një lloj shkarkimi i ideve që kanë dy liderët. Ajo që më ka shqetësuar në këtë fushatë është që ka një reshtje të ideve. Kanë reshtur shumë shpejt edhe pse ky vit iu dha mundësinë që të mund të elaboronin gjëra shumë më interesante për vendin tonë. Personalisht këtë ide e kam parë që para një viti e gjysmë, ku jam shprehur se është i mundur afrimi. Por që të bëhet një afrim i tillë më duket se nuk është i sinqertë nga kryeministri Rama dhe ka një lloj paqartësie dhe nga zoti Basha për një arsye të thjeshtë.
Përpara vendimeve të tilla parashtrohet një platformë sepse kjo nuk bëhet thjeshtë në këtë lloj mënyre. Në një farë mënyrë ky lloj ligjërimi i Edi Ramës dhe sjellja e zotit Basha tregon se brenda partive nuk ekziston kjo demokracia e brendshme sepse për ide të tilla duhet të marrësh mendim forumesh. Kjo është një ide më shumë në tregun e ideve të vërteta për zhvillimin e vendit që nuk erdhën në këtë fushatë. Duhet të presim 26 prillin. Nëse hapësira do të jetë e vogël nuk përjashtohet fare”, tha Andoni.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
