“Kam 10 vite që nuk e ngas” Basha shfaqet në timon si rrallëherë: Sinqerisht nuk po më besohet

Mbrëmjen e sotme kryetari i Partisë Demokratike Lulzim Basha është shfaqur ndryshe.

Ai shihet në një video duke i dhënë makinës teksa po shkon në Elbasan me gazetarin Endri Xhafo.

“Sinqerisht nuk po më besohet që kam këtë privilegj që në mes të fushatës të kem mundësinë t’i jap makinës. Faleminderit për mundësinë”, tha Basha gjatë intervistës.

Lideri demokrat u shpreh se në 10 vitet e fundit kanë qenë shumë të rralla rastet kur i ka dhënë vetë makinës.

“Po bën më shumë se 10 vite që e kam pasur të pamundur, me ndonjë rast të rrallë rrugëve rurale me Aurelën. Që i numëroj me gishtat e një dore. Përgjigja që kam është faleminderit për mundësinë që më jep. Dhe justifikimi ishte, është aktivitet mediatik, nuk po e marr për qejf”, tregoi Lulzim Basha.