“Fytyrë ordinere që e njeh gjithë Vlora” Ilir Meta i përgjigjet ashpër akuzave të ish-deputetit të LSI

Presidenti Ilir Meta i është përgjigjur ashpër Shkëlqim Selamit, ish-deputetit të LSI, i cili më herët u shpreh se Meta e kishte detyruar që të blinte vota, por nuk kishte pranuar.

Selami shtoi se emrin e vërtetë Meta e ka patur Agush, por e ndërroi kur erdhi në Tiranë.

Ndërkohë Kreu i Shtetit ka folur sot në lidhje me këtë temë, duke thënë se Selami mashtroi LSI për të kaluarën e tij kriminale dhe duke shtuar se ai është një fytyrë ordinere që e njeh gjithë Vlora.

“Çim Selami hyri ne LSI si djalë sportist, por nuk na tha që ishte me të kaluar kriminale.

Kur doli ligji i dekriminalizimit më kërkoi që të mos ta përjashtoja, por LSI nuk i kishte asnjë detyrim këtij individi të kriminalizuar që e kishte mashtruar partinë për të kaluarën e tij. Është një fytyrë ordinere, që e njeh gjithë Vlora për veprimtarinë kriminale dhe nuk ia vlen më asnjë sekondë të merrem me këtë ordiner si Selam Çimka”, tha Meta në “Opinion”.