Zbulohet data/ Vendoset dita kur pritet të vaksinohet kancelarja Merkel, ja cilën vaksinë do marrë

Kancelarja gjermane Angela Merkel ka bwrw me dije se do të vaksinohet me dozat e prodhuara nga AstraZeneca për koronavirusin.

Kancelarja do të vaksinohet ditën e premten, ndërsa në Gjermani, AstraZeneca rekomandohet për persona të cilët janë mbi 60 vjeç.

Kreu i agjencisë së kontrollit të sëmundjeve në Gjermani ka apeluar për masa “drastike” për të frenuar valën e tretë të virusit i cili është duke goditur rëndë pavjonet e kujdesit intensiv në shumw zona.

Drejtor i Institutit Robert Koch, Lothar Wieler tha se gjermanët duhet të  “zvogëlojnë në mënyrë drastike kontaktin” me njëri-tjetrin me qëllim që të shuhet vala e tretë.

Përmendim faktin se nga mesi i muajit shkurt, kancelarja tha publikisht se nuk do të vaksinohej me vaksinën e prodhuar nga AstraZeneca. Mirëpo, argumenti i Merkel në atë kohë ishte se vaksina nuk rekomandohej për personat të cilët ishin mbi 65-vjeç.