“Mua mos më drejto gishtin” Plas keq mes të ftuarve: Je mpirë nga trutë e kokës nga Basha, vjen si karabush këtu

Sot kryeministri Edi Rama deklaroi se pas fitores më 25 prill është gati të bashkëpunojë me Lulzim Bashën, por me kushtin që të distancohet plotësisht nga Berisha dhe Meta.

Këto fjalë shkaktuan debate të forta mes kryetarit të Lidhjes Demokratike Myslym Murrizi dhe kandidatit të Partisë Demokratike, Agim Baçi.

Teksa po fliste në studion e “Repolitix” mbrëmjen e sotme, Murrizi tha se këto prej shumë vitesh kanë bashkëpunuar me njëri-tjetrin.

Ai shtoi se madje në ideologji nuk ndahen që nga viti 45’, pasi nuk ka një botëkuptim ndryshe për të djathtën dhe të majtën.

Në këtë moment ndërhyri kandidati për deputet i PD-së Agim Baçi, i cili i kujtoi Murrizit se ka qenë pjesë e PD-së dhe këtë gjë mund ta kishte deklaruar brenda forumeve të partisë. Murrizi theksoi se ai e ka bërë denoncimin, ndërkohë që debati degjeneroi me përplasje në gjuhë të ashpër ndërmjet tyre. Agim Baçi në këtë moment braktisi studion.

DEBATI:

Murrizi: E vërteta është se nuk është se po ndodh ndonjë qamet i madh prej 30 vitesh post komunizëm ka disa qeversje të përbashkëta dhe vendime në dëm të qytetarëve të përbashkëta.  E pse u duket habi se kanë ndërmend që të qeverisiin. Vetëm hallin e shqiptarëve kanë këta, për kombin për vaksinat.Nuk janë ndarë këta, bashkë kanë qenë që nga ’45 vjet, 75 vjet. Nuk ka ndarje në ideologji, në koncept, për të djathtë edhe të majtë.

Baçi: Ke qenë pjesë e PD-së nuk e ke denoncuar këtë pjesë?

Murrizi: E kam denoncuar!

Baçi: Vetëm pasi ike nga PD-ja!

Murrizi: Kur duhet ta denoncoja?

Baçi: Gjërat thuhen brenda forumeve, i gjykojmë politikanët me akte publike, dhe jo ato që thuhet nën banak.

Murrizi: E kam denoncuar, ti e di që kam qenë kandiduar i pavaruar?

Baçi: E di ke kandiduar me partinë e Legalitetit, ke lëvizur sa andej-këtej.

Murrizi: I pavarur, a je i ftilluar nga memoria?!

Baçi: Pse nuk e përmend që ke qenë me Legalitetin?

Murrizi: Ti je i mpirë nga trutë e kokës nga Basha. Ky vjen si karabush këtu. Hape PLL-në në 2009 ka qenë me PD aleate.

Baçi: Zotëri! Mua mos mu drejto me ato fjalë!

Murrizi: Unë drejtohem me çfarë të kem qef, gishtin mos ma drejto mua, unë nuk kam ardhur këtu që të duroj dënglat e tua

Baçi: Mua mos mu drejto me këto fjalë, ndërpite!

Murrizi: Nuk duroj mashtrimet e tij! Mua më kanë zgjedhur qytetarët dy herë! (Largohet Baçi nga studio)