Të shtëna në Berat/ Plagoset në këmbë polici pas sherrit në lokal (EMRI)

Mbrëmjen e sotme në qytetin e Beratit është raportuar një sherr i ndodhur në lokal.

Mësohet se ngjarja u shënua në lagjen “Dëshmorët e Kombit”.

Sipas informacioneve paraprake, nga sherri ka mbetur i plagosur në këmbë efektivi i policisë Elton Boduri, 24 vjeç.

Forca të shumta policie kanë shkuar në vendin e ngjarjes dhe janë duke punuar për zbardhjen e plotë të saj. Ndërkohë i plagosuri është transportuar në spital dhe ndodhet jashtë rrezikut për jetën.