Ndodh për herë të parë/ KQZ i bindur: Rezultati do shpallet të nesërmen e ditës së zgjedhjeve

Si asnjëherë më parë, sot në mbledhjen e Komisionit Rregullator u vendos ulja e fashës orare të publikimit të rezultatit të zgjedhjeve të 25 prillit.

Kështu, mësohet se me unanimitet 5-0, u vendos që KZAZ-të të nxjerrin rezultatin jo më vonë se ora 08:00 e mëngjesit të 26 prillit.

Një vendim i lehtë për tu miratuar në letër dhe tepër i vështirë në realizimin e tij, mbetet të presim mëngjesin e datës 26 Prill për të parë nëse do të kemi në kohë fituesin e betejës së 25 Prillit.

Ky propozim erdhi fillimisht nga anëtari Arnes Çela, por edhe për kryetaren, Ilirjana Nano, kjo fashë orare do i vinte në ndihmë KZAZ-ve që të menaxhojnë më mirë punën e tyre.

“Pas dorëzimit nga KQV pranë KZAZ të pajisjeve dhe materialeve përkatëse, KZAZ mbyll ambientet ku do të kryhet numërimi. Rezultati do të shpallet të nesërmen e ditës së votimit, pra në orën 08:00. Gjatë natës ambienti vëzhgohet nga kamerat të cilët sigurojnë regjistrimin dhe transmetimin e pamjeve gjatë gjithë kohës në serverin e KQZ-së. KQZ-ja u mundëson subjekteve zgjedhore me kërkesë të tyre të shikojnë nga pajisjet e tyre pamjet e ambientit ku ruhen materialet zgjedhore”, thuhet në propozimin e ri që u miratua ditën e sotme.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Në zgjedhjet e kaluara, KZAZ ka pasur afat deri në orën 00:00 të ditës së nesërme të votimit për të nxjerrë rezultatet, teksa me vendimin ri është bërë 08:00.