Akuzohet për 27 vjedhje/ “Do bëj ca para dhe do kthehem” Arrestohet në Itali ‘Rambo’ shqiptar (EMRI)

Arrestohet në Itali një 48-vjeçar shqiptar, i quajtur Zef Tirtja.

Ky i fundit akuzohet për një sërë grabitjesh të ndodhura në zonën e Genovas dhe jetonte në pyll prej disa kohësh.

Karabinerët kanë rënë në gjurmët e tij, për shkak të një telefonate që Tirtja ka bërë me mikun ku është shprehur:

“Në Itali bën shumë para me grabitje, sa të bëj edhe ca, do të rikthehem sërish në Shqipërinë time”.

48-vjeçari dyshohet se grabiste shtëpitë, teksa pronarët ndodheshin në gjumë.

Tirtja akuzohet për 27 vjedhje dhe kohët e fundit jetonte në pyll. Për këtë fakt efektivët italianë i kishin vendosur nofkën “Rambo i hajdutëve”.

48-vjeçari shqiptar brenda një nate ishte në gjendje të vidhte tre ose katër shtëpi, theksojnë mediat italiane.