“Jam kryeministri i vetëm që…” Rama tregon se pse u fut në politikë: I kam realizuar të gjitha

Gjatë takimit sot në Laprakë kryeministri Edi Rama ka treguar dhe arsyen për të cilën u fut në politikë.

Ai është shprehur se donte të merrte në dorë fatin e tij, jo që të bëhej politikan.

Kreu i qeverisë ka shtuar se nuk është aty për vete dhe se nuk e do Shqipërinë për pushtetin.

“Unë nuk u futa në politikë se doja të isha politikan, por se isha në emigracion. Më futi besimin tek vetja. Hera herës njerëzit kanë rënë pre e recetave çudibërëse dhe kanë përfunduar në fund të greminës.

Ajo pjesë e njerëzve që besojnë tek puna, tek vetja, tek guximi, i kanë lënë të tjerë që të delegojnë fatin e tyre. Unë kam hyrë në këtë rrugë, pikërisht që fatin tim, të familjes time, të vendit tim, mos tua delegoja të tjerëve.

Sot jam këtu që t’u them shqiptarëve; mos ndaloni, mos ktheni rrugën, mos u dorëzoni. Ngjitja drejt majës ku duam të mbërrijmë është e vështirë. unë i kam realizuar të gjitha. I kam pasur të gjitha nderët nga populli im. Unë s’jam këtu për veten, ne, Erjoni, ju të gjithë e duam Shqipërinë jo për pushtetin, kurse ata e duan për pushtetin.

Po të shohësh kilometrazhin në makinën time është më i gjatë se sa ajo e kryeministrave të gjithë bashkë në vendin tonë për shkak të udhëtimeve të mia në të gjithë Shqipërinë”, tha ai.