A ka bërë ndërhyrje në fytyrë? Eni Çobani surprizon me përgjigjen dhe zbulon ‘sekretin’ e saj

Të gjithë e njohim juristen Eni Çobani, e cila vjen në ekranin tonë çdo të dielë me rubrikën “Shihemi në Gjyq”.

Ndërkohë, pasditen e djeshme ajo ishte e ftuar në programin “Rudina”, ku zbuloi detaje nga jeta e saj private dhe jo vetëm.

Një nga pyetjet ishte nëse Çobani ka bërë botoks. Juristja u shpreh se këtë fjalë nuk e ka përqafuar ende falë genetikës së saj.

Qytetarja: Për ju duket se koha ka ndaluar, por a keni bërë ndonjëherë botoks për mirëmbajtjen e fytyrës suaj?

Eni Çobani: Unë e kam thënë herë pas here, por ndoshta kam kohë që nuk i jam përgjigjur kësaj pyetje. Janë ca faktorë genetikë që na ndihmojnë herë pas here që ta kemi këtë jetëgjatësi e pamjes dhe nuk dua të them që nuk e mirëmbaj.

Sigurisht që fjalën botoks nuk e kam përqafuar, fakti është që nuk e kam ndjerë të nevojshëm, mund ta kem të nevojshme nuk diskutohet, por unë jam një natyrë që reflektoj gjatë kur bëj gjëra në trupin tim. Kështu që kjo më ka ndaluar dhe frenuar… përveç një trajtimi që mund ta bëjë çdo femër për mirëmbajtjen e fytyrës, lëkurës dhe trupit.