E moshuara ndërroi jetë pasi bëri vaksinën kineze, ja si e shpjegon rastin mjeku Stroni

Një ngjarje e rëndë u shënua dy ditë më parë.

Bëhet fjalë për një të moshuar 74-vjeçare, e cila ndërroi jetë 10 orë pasi kishte bërë vaksinën kineze “Sinovaks”.

Ndërkohë në lidhje me këtë rast ka folur dhe mjeku infeksionist Gent Stroni.

Ai u shpreh se nëse rasti do të lidhej me vaksinën, së pari do kishte ndonjë alergji.

“Në radhë të parë shyqyr që kemi vaksinat. Komplikacionet, tani ne marrim çdo lloj preparati në trup, që hyn në rastin e vaksinës për të rritur antitrupat, etj, pra ne fusim në trup preparate me qëllim pozitiv.

Edhe një paracetamol që mund të marrësh mund të ketë një sjellje anësore. Efekte anësore duhet të jenë minimaliste, në të kundërt nuk ka pse të dalë në qarkullim ky preparat. E para duhet të jetë që të mos dëmtojë.

Nëse do të kishte një “shock anafilaktik” do të dukej në reagimin e parë. Nëse do të kishte reagim të mëvonshëm do të kishte shenja klinike, kruarja, elementët në lëkurë, alergji” tha ai.

Bashkëshorti i Donika Babunjës nuk lejoi që të bëhet autopsia për të përcaktuar shkaqet e vdekjes, por e moshuara sipas mjekes ishte ankuar për dhimbje të barkut dhe të vjella.

Por mjeku tha se “Reaksioni alergjik nuk jep të tilla shenja. Në radhë të parë duhet të japë ça shenja në lëkurë. Atëherë cfarë ka qenë? Duhet bërë një autopsi minimalisht. Po një 74 vjeçar a mund të ketë një situatë të tillë edhe nga natyra? Shenjat janë”.