LIGJET E BIZNESIT
Shqipëria humbet përfundimisht gjyqin me biznesmenin e njohur italian Francesco Becchetti.
Ky vendim vjen në lidhje me dëmshpërblimin e kërkuar nga sipërmarrësi për mbylljen e televizionit “Agon” në vitin 2015.
Menjëherë pas këtij lajmi ka ardhur dhe reagimi urgjent i presidentit Ilir Meta.
Ai kërkon që SPAK të nisë urgjentisht hetimet penale për këtë dëm të madh ekonomik të shkaktuar ndaj shtetit shqiptar, që do të paguhet fatkeqësisht me paratë e të gjithë taksapaguesve.
REAGIMI I PLOTE:
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
E kam paralajmëruar prej kohësh Qeverinë ende në detyrë të heqë dorë nga arroganca dhe të tërhiqet nga çdo vendim abuziv e jashtë procedurave ligjore ndaj investitorëve të huaj në vendin tonë.
Vetëm për tekat dhe kapriçot personale të Kryeministrit, i cili e urren edhe lirinë e medias, tashmë Shqipëria është e detyruar të paguajë 110 milion euro.
Skandali merr përmasa më të mëdha, për shkak se Avokatura e Shtetit e ka gënjyer Presidentin e Republikës duke pretenduar se nuk e ka humbur gjyqin me kompaninë në fjalë, madje duke fshehur informacion.
Në këto kushte, i bëj thirrje Prokurorisë së Posaçme Antikorrupsion (SPAK), të nisë urgjentisht hetimet penale për këtë dëm të madh ekonomik të shkaktuar shtetit dhe që do paguhet fatkeqësisht me paratë e të gjithë taksapaguesve shqiptarë.
Është koha, që Drejtësia të vendosë para përgjegjësisë ligjore, të gjithë shkaktarët e këtij dëmi ekonomik, edhe për të parandaluar në të ardhmen dëme më të mëdha për Buxhetin e Shtetit dhe taksapaguesit shqiptarë, për shkak të shpërdorimit të detyrës dhe abuzimit me pushtetin të zyrtarëve të lartë.
