“Mos vidh më për këtë vit” Aktori i “Portokalli” shpërthen ndaj Altin Bashës: I zhgënjeve njerëzit totalisht

Regjisori Altin Basha u largua pas 17 vitesh nga drejtimi i spektaklit të humorit “Portokalli”.

Kjo lëvizje ngjalli shumë reagime në rradhën e opinionit publik.

Një prej tyre është dhe aktori Rezart Veleshnja, i cili ka folur ashpër rreth programit më të ri “Kosherja” , me regji të Bashës.

Veleshnja e akuzon përmes një reagimi në rrjetet sociale për vjedhje të skeçeve të tyre, duke theksuar se emisioni i ri i tyre është një hiç.

“Shumë nga njerëzit e panë emisionin tënd për të parë aftësitë tuaja se si do të ishte, gjë që i zhgënjeve totalisht. E panë dhe se deri ku do të arrinte kopjimi jot, i asaj që kemi bërë ne dhe jo se panë një emision të krijuar nga hiçi. Një hiç, pra aftësitë dolën në pah? Të lutem me shpirt po shkruaj këtë si letër e babagjyshit të Vitit të Ri, mos vidh më për këtë vit se do zhgënjesh akoma më shumë dhe do të heqin fare!

Megjithëse ti gjithmon gjen vend. Ike nga shtëpia e Top Channel more shtëpinë e Kiço Londos, kështu që mos vidh punën tonë! Për shembull me numrin me pasqyrën, e ka luajtur Flor Binaj para 3 vjetësh. Teksti dhe ideja e Florjan Binajt.

Se ke ikur edhe nga Topi dhe s’ke lekë të përballosh gjyqet. PS: Meqënëse ke ikur te TV Klan (që çfarë nuk ke vjellë për Frangajn) ke të fala nga Sandri”, shkruan Veleshnja.