“Mos premto ato që nuk i bën” Qytetari ia thotë hapur, shihni reagimin e Lulzim Bashës

Ditën e sotme kryetari i Partisë Demokratike Lulzim Basha po zhvillon takime me qytetarët dhe me përfaqësuesit e biznesit në njësinë nr.2 në Tiranë.

Lideri i opozitës u prit me entuziazëm nga banorët e zonës, të cilët pohuan se do të jenë mbështetësit e tij me 25 prill.

Ndërkohë një nga qytetarët i ka dalë para Bashës dhe ka theksuar se ai meriton që të japë dorën pasi e njeh që të vogël.

“Mua më takon që të të jap dorën të njoh që të vogël, me numër 58 i regjistruar në PD për herë të parë”, ka thënë qytetari.

Nga ana tjetër Basha ka porositur qytetarin që të nxjerrë të votojnë komshinjtë.

“Nxirri të gjithë komshijt dhe të afërmit me 25 prill”, ka thënë Basha.

Ndër të tjera një qytetar është shprehur se janë ngopur me premtime fushate dhe tashmë kërkojnë që të bëjë realitet punën jo premtimet.

BASHKEBISEDIMI: 

Qytetari: Jemi krenar që kemi një lidër të tillë dhe është një hapësirë e madh për të parë ndryshim

Basha: Krenar të punoj për të mirën tuaj

Qytetari:  Mos premto asgjë nga ato që nuk i bën

Basha: Asnjë premtim fushate nga unë nuk ekzisto

Qytetari: Njerëzit janë mërzitur

Basha:Prandaj e kemi nisur punën prej dy vitesh

Qytetari: Fushata tjetër do të jetë çfarë kemi bërë tani

Basha: Nëse nuk mbaj premtimet nuk kërkoj mandat të dytë.