Mamaja në lidhje direkte, i biri “rrëmben” vëmendjen e publikut/ Moment i jashtëzakonshëm për moderatoren e njohur

Komunikimi online është bërë një fenomen i zakonshëm ditët e sotme. Por përpos komoditetit që të ofron, të shtohet edhe përgjegjësia për të mbajtur qetësi në vendin ku ndodhesh.

Mirëpo, i vogli i moderatores së emisionit A2 Business dhe njëkohësisht Producente Ekzekutive e Biznesit në A2 CNN Aurora Sulçe, nuk i është bindur “urdhrave” të së ëmës.

Gjatë kohës që kjo e fundit ishte në një lidhje direkte me televizionin ku punon prej vitesh, në sfond dëgjohet zëri i Junior.

Duket se “Shëndetësinë falas”, sa është realizuar ky premtim nga të djathtët e të majtët, si dhe çfarë treguan në të vërtetë shifrat, gazetares së ekonomisë i është bashkangjitur në opinione dhe zë edhe i biri.

E gjithë intervista prej 7 minutash është shoqëruar nga zëri i djalit të saj.

Mund të themi pa më të voglin dyshim se e gjithë vëmendja ishte përqëndruar tek i vogli.

Gazetarja e ekonomisë, këtë herë është parë më ndryshe në krahasim me raportimet e tjera. Duket se nxitimi për të mbaruar më shpejt këtë intervistë ka qenë më i lartë, ndërsa në fund ka lëshuar një buzëqeshje të lehtë, një formë kjo për të “shpërthyer” nga mos mbajtja e të qeshurës nga zëri i të voglit Junior që u dëgjua në sfond gjatë gjithë kohës.