“Kemi marrë dritën jeshile” Pas Italisë, një tjetër shtet i BE do të njohë patentat shqiptare

Pas Italisë, Shqipëria ka marrë dritën jeshile nga Gjermania për një marrëveshje të ngjashme për njohjen e patentave.

Lajmin e ka dhënë ministrja për Evropën dhe Punët e Jashtme Olta Xhaçka.

Sipas saj është marrë drita jeshile për një marrëveshje të tillë me Gjermaninë ndërsa shtoi se po negociohen disa teknikalitete.

“Sapo kemi marrë dritën jeshile. Do të negociojmë disa teknikalitete. Se çfarë po negociohet nuk di të them sepse negociatat po bëhen nga ministria e Transporteve.”-tha ajo në një intervistë në emisionin “Log”.