Të gjithë po presin/ Kur do të hiqen masat izoluese në vend? Zv.ministrja Tomini zbulon detajet

Zv.ministrja e Shëndetësisë Eugena Tomini ka folur për disa detaje rreth situatës së pandemisë në Shqipëri pas më shumë se një viti nga rasti i parë.

Përsa i përket lirimit të mundshëm të masave shtrënguese për të cilat të gjithë janë në pritje, ajo deklaroi se është ende herët për një hap të tillë.

“Jemi herët për të gjykuar mbi një imunizim të plotë, me të dyja dozat e vaksinës. Edhe nëse kemi marrë dozën e dytë të vaksinës nevojitet një ose dy javë për t’u bërë imun. Trendi duket në ulje, por edhe hapat në drejtim të lirimit të masave do të jenë të matura”.

Ndërsa për vaksinat që janë në vendin tonë, Tomini u shpreh se do të merrte të parën që do t’i ofrohej. “Do të isha me fat nëse do të zgjidhja, por në pandemi nuk ka zgjedhje. Çfarëdo lloj vaksine që do të më ofrohej do ta prisja me shumë dashamirësi dhe e para në radhë”.