“Po ua bëjmë gati prokurorëve” Kryemadhi paralajmëron dosjet që do trondisin Partinë Socialiste

Mbrëmjen e sotme kryetarja e LSI Monika Kryemadhi ka lëshuar një paralajmërim të fortë.

Ajo ka deklaruar se LSI po i bën gati dosjet prokurorisë në lidhje me ato që i quajti si afera e PS me inceneratorët.

Sipas saj ky kalvar do të marrë fund më 25 prill.

“Për të qenë korrekt dhe të saktë me opinionin publik, ne po ua bëjmë gati dosjet prokurorëve, duke u evidentuar edhe ligjet të cilat janë shkelur në rastin e inceneratorët. Këtë gjë do ta bëjmë edhe me tenderin e pishave që janë tharë në autostradën Tiranë-Durrës.

Ekranet janë të uzurpuara dhe ministritë nuk të japin informacion, edhe pse ajo është e kundraligjshme. Ky kalvar do të marrë fund në 25 prill. Dosjet do të jenë atje për drejtësinë”, tha Kryemadhi për Ora News.