“Akti i Arjanit është epik” Berisha vizitë në shtëpinë e heroit Sala që humbi jetën mes flakëve

Ish-kryeministri Sali Berisha ishte për vizitë sot në familjen e të heroit Arian Sala, i cili ndërroi jetë pak ditë më parë në magazinën e një qendre tregtare në Tiranë, pasi hyri dhe shpëtoi nga zjarri 25 persona që ishin brenda, por vetë nuk arriti që të dilte.

Berisha hodhi akuza duke u shprehur se shërbimi i emergjencës ishte fiktiv.

Ai vlerësoi aktin e Salës duke e cilësuar epik, si komandant që u fut në zjarr për të shpëtuar ata që kishte në mbrojtje.

“Shërbimi i emergjencës është fiktiv, pothuajse inekzistent, i faktuar në të gjitha rastet e emergjencave. Kjo këtu nuk mund të ishte përjashtim. Është fatkeqësi e veçantë. Akti i Arjanit është epik.

Zgjodhi të flijojë veten për të shpëtuar ata që ky i kishte në mbrojtje. Komandant që u fut në zjarr. Nuk ka akt më të lartë njerëzor” tha Berisha. Arjan Salaj u shpall “Dëshmor i atdheut”.