E rëndë/ Një grua i jep fund jetës, hidhet nga kati i tretë i banesës

Një ngjarje tronditëse ka ndodhur sot në mbrëmje në qytetin e Korçës.

Mësohet se shtetasja me iniciale S.P, rreth 58-vjeçe është hedhur nga kati i tretë i banesës ku jetonte, e për pasojë ka gjetur vdekjen e menjëhershme.

Sipas policisë ngjarja është shënuar në lagjen nr.6 në rrugën “Miço Shkodrani”.

Grupi hetimor ndodhet në vendngjarje për të zbardhur rrethanat e plota.

NJOFTIMI ZYRTAR I POLICISE:

Korçë/Informacion paraprak

Më datë 30.03.2021, rreth orës 19:10, jemi njoftuar se në lagjen nr. 6, rruga “Miço Shkodrani”, është vetëhedhur nga kati i tretë i banesës ku jetonte, shtetasja S. P., rreth 58 vjeçe, e cila për pasojë ka gjetur vdekjen.

Grupi hetimor po punon për sqarimin e plotë të rrethanave të ngjarjes.