LIGJET E BIZNESIT
Një nga popujt që njihet më shumë për adhurimin dhe shijimin e gatimit është ai italian.
Madje në të gjithë filmat me mafiozë, tregohet kultura e tyre dhe tryezat plot me të ftuar për të shijuar pjatat.
Ndërkohë një histori e rrallë ka ndodhur me mafiozin e Ndranghetas, Marc Feren Claude Biart.
Ai u arrestua një ditë më parë dhe po përbballet me krimet e kryera prej tij si pjesë e organizatës kriminale.
Në fakt, ai u zbulua pasi preferoi të tregojë aftësitë e tij në kuzhinë, në internet.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Biart, anëtar i grupit mafioz Ndrangheta, ishte arratisur që në vitin 2014 nga Italia. Ai duhej të mbante një profil të ulët ndërsa ndodhej në Republikën Dominikane.
Por 53-vjeçari u kap pasi oficerët italianë të Interpolit e hasën atë në videot që postonte në YouTube duke ofruar mësime gatimi falas.
Megjithëse ai nuk e tregonte fytyrën e tij në klipet e gatimit, tatuazhet e tradhtuan mafiozin. Gjithçka ishte në rregull për Biartin në Karaibe. Ai bënte një jetë të qetë, ndërsa edhe komuniteti lokal i italianëve aty e konsideronte “të huaj”.
Biart ishte arratisur nga Italia pasi autoritetet vendore lëshuan një urdhër për arrestimin e tij, në 2014-ën, për trafik kokaine në Holandë, për llogari të mafies italiane Ndrangheta.
Më herët, në vitin 2019, një anëtar i mafias Camorra, u arrestua ndërsa po hante makarona me dy miqtë e tij të familjes në ballkonin e vilës.
Ndrangheta në Kalabri mendohet të jetë një nga organizatat më të rrezikshme dhe të fuqishme të krimit, pasi sipas autoriteteve europiane, kontrollon pjesën më të madhe të kokainës dhe krimit të organizuar në Europë.
