Lamtumirë virus/ Ky shtet i jep fund gjendjes së jashtëzakonshme, njerëzit dynden në parqe

Pas më shumë se një vit nga pandemia, Japonia i ka dhënë fund gjendjes së jashtëzakonshme.

Kjo periudhë përkon dhe me ardhjen e pranverës dhe lulëzimin tradicional të qershive, festës së ashtuquajtur Hanami.

Menjëherë qytetarët e Tokios kanë pushtuar parqet e lulëzuara dhe kanë shijuar këto momente të bukura pas lockdownit.

Vit për vit, turistët kalojnë një pjesë të madhe të kohës në parqe.

Ata bëjnë fotografitë më të bukura të luleve të qershive, simbol paralajmërues i pranverës dhe i bukurisë së përsosur në vendin ku lind dielli.

Rituali përfshin këndimin e këngëve të veçanta dhe shijimin e ushqimeve tradicionale.
Megjithatë mbetet ende e ndaluar të bësh piknik këtë vit, siç parashikohet në ritin mijëravjeçar të Hanamit.