LIGJET E BIZNESIT
Një ditë pas arrestimit nga RENEA, ‘i forti’ i Elbasanit Ardian Çapja dyshohet se ka pësuar arrest kardiak.
Nga raportimet mësohet se ai është dërguar për të marrë trajtimin e nevojshëm mjekësor në QSUT.
Forcat speciale RENEA arrestuan Ardian Çapjan 53 vjeç në banesë, ndërsa u shpall në kërkim një i afërm i tij, Florenc Çapja.
Nga kontrolli, forcat Renea gjetën edhe një automatik kallashnikov, që Çapja e mbante në banesë.
Arrestimi i tij është realizuar në kuadër të hetimeve për një vrasje të dyfishtë në vitin 2012, në qytetin e Elbasanit, ku mbetën të vrarë babë e bir, Nezir dhe Gentian Beqiri. Për këtë vrasje dyshohen si autorë Ardian dhe Florenc Çapja.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ndërkohë ndaj Ardian Çapjas janë kryer disa tentativa për eliminimin e tij fizik, ku më e fundit ishte ajo me snajper, ku Ardian Çapja u qëllua nga largësia brenda oborrit të banesës së tij, por që shpëtoi duke mbetur i plagosur.
Saga e hasmërive të familjes Çapja në qytetin e Elbasanit ka nisur që në vitin 2005, ku në një lokal u ekzekutua Sokol Çapja.
