E papritur/ Do kandidonte për deputet në këtë parti, mjeku i njohur merr vendimin: U tërhoqa

Mjeku i njohur Artan Koni pak kohë më parë u prezantua nga drejtuesi i “Nismës Thurje” Endri Shabani, si kryesues i listës së kandidatëve për deputetë të kësaj lëvizjeje për qarkun e Durrësit.

Ndërkohë ditën e sotme, papritur ai ka njoftuar se ka vendosur të tërhiqet nga kjo garë, më pak se një muaj para zgjedhjeve.

“Mendoja të kandidoja me Nismën Thurje. Mendoja para shumë muajsh. Kur ishte shoqëri civile. Kur u kthye në parti, pash që shumë gjëra ndryshuan dhe u tërhoqa. Mendoj se nuk është e përshtatshme për njerëz si unë”, tha Koni për News24.

Si mjek, ai foli për orën policore dhe tha se ajo nuk ka asnjë kuptim dhe Komiteti duhet ta heqë.

“Unë mendoj se Komiteti po sillet sikur jeton në hënë, jo në Shqipëri. Me këto mitingje, nga PS, PD, LSI, etj, unë mendoj se nuk ka asnjë vlerë ora policore. Për mua ora policore duhet hequr. Për çfarë shërben ora policore, për të dëmtuar biznesin, për të dëmtuar psikologjinë e përgjithshme qytetare…?”, u shpreh ai.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern