“U kërkoj falje të gjitha nënave për stilin tim të flokëve” – Ronaldo bën deklaratën më të pazakontë

Ikona e futbollit, Ronaldo Nazario ka bërë një deklaratë të pazakontë rreth stilit të tij të flokëve që kishte në të kaluarën.

Presidenti i Real Valladolidit renditet në mesin e më të mirëve në histori të sportit më të ndjekur në botë, duke impresionuar shumë breza pas tij.

Futbollisti i njohur u ka kërkuar falje nënave për stilin e flokëve të tij që kishte në Kupën e Botës së vitit 2002.

“Kërkoj falje nga të gjitha nënat që panë fëmijët e tyre duke bërë të njëjtin stil të flokëve”.

“I pyeta bashkëlojtarët nëse e pëlqyen, ata thanë: ‘Jo është e tmerrshme. Hiqi sa më parë’! Por, pastaj një gazetar e pa stilin tim të flokëve dhe harroi për lëndimin”, ka thënë ai.