Kush është gardisti i 21 janarit që shkarkoi Saimir Tahiri, Rilindja e kandidon për kryetar bashkie

Agron Malaj, komandant seksioni i Njësisë Speciale të Gardës së Republikës në protestën e 21 Janarit po kandidon nën siglën e PS për Bashkinë e Matit.

Malaj u shkarkua bashkë me 9 oficerë të tjerë në vitin 2013 nga detyra, me të ardhur në qeveri Saimir Tahiri por sot është rikthyer fuqishëm nga ‘Rilindja’ e cila ka premtuar drejtësi për 4 të vrarët e 21 janarit.

Ndërkaq, Flamur Vezaj, gazetari nga SHBA bën një rezyme, dukeqenë se ka qenë dëshmitar në prokurori e gjykatë për 21 janarin.

Sipas Vezajt, Agron Malaj ka rrefyer te PS-ja (me fjale jo prova) ngjarjen e “21 janarit” dhe çfarë ndodhi në kryeministri atë ditë e më mbrapa me urdhërat, pamjet filmike, debatet… ndaj dhe u shpërblye nga kjo parti.

Emri i Agron Malajt është kontestuar shumë edhe nga simpatizantët e PS-së të cilët nuk e kanë pritur që pikërisht eprori që kishte nën kontroll grupin e snajpëristëve, të bënte karrierë në PS-në e rilindur.