“Kjo më bën të vjell” Kinezët djegin masivisht atletet e kompanisë prestigjoze, ja çfarë i shqetësoi

Kompania prestigjioze Nike u përball me një reagim dhe bojkot masiv në platformën kineze të mediave sociale Weibo.

Kjo ndodhi pas një deklaratë që lëshoi, ku u theksuan raportet e punës së detyruar të Ujgurëve në Rajonin Autonom të Ujghurit Xinjiang.

Mesazhi nuk ishte me datë, por u botua në internet pasi Bashkimi Evropian, SHBA, Britania dhe Kanadaja vendosën sanksione ndaj zyrtarëve kinezë këtë javë për shkeljet e të drejtave të njeriut në Xinjiang Si përgjigje, Kina u hakmor duke sanksionuar institucionet evropiane dhe ligjvënësit.

“Ne jemi të shqetësuar në lidhje me raportet e punës së detyruar në Rajonin Autonom të Ujgurit Xinjiang”, thuhet në deklaratë. “Nike nuk do të përdor tekstile nga ai rajon”.

Popullsia ujgure, një pakicë etnike myslimane, ka qenë në shënjestër të autoriteteve kineze për vite me radhë. Më shumë se 1 milion ujgurë janë mbajtur në qindra kampe burgu që nga viti 2016 dhe SHBA e ka akuzuar Kinën për gjenocid.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Deklarata nga Nike është e neveritshme. Kjo më bën të vjell”, tha një përdorues i Pekinit me ID-në Weibo Langli Chitiao.

Njerëzit filluan të postonin video të tyre duke djegur Nike Air Jordans dhe Air Force 1s, me disa nga këto video të ripostuara më shumë se 100,000 herë.

“Kam djegur të gjithë Nikët e mi. Kjo është një çështje e krenarisë kombëtare. Ne nuk do të poshtërohemi”, tha një përdorues me ID Xuanxuan Mingying.