Ikin 5 deputetë, kush është kryebashkiaku rekordmen (EMRAT)

Deri më tani, për këtë bashki ka dy kandidatë, i pari është Nreu dhe Eduard Nocaj, i cili në legjislaturën e shkuar ishte pjesë e Grupit Parlamentar të PS-së. Socialisti tjetër që do të lërë mandatin e deputetit për të kandiduar për zgjedhjet lokale është Ilir Xhaloklli në Bashkinë e Pogradecit. Edhe Xhakolli ka disa legjislatura mbi supe, por ka zgjedhur që të kandidojë në qytetin ku është zgjedhur edhe deputet. Flamur Golemi u zgjodh për herë të parë deputet i PS-së në vitin 2017 në Qarkun e Gjirokastrës.

Ky i fundit do të garojë për Bashkinë e Gjirokastrës që aktualisht e drejton Zamira Rami e Lëvizjes Socialiste për Integrim. Edhe Nuri Belba u zgjodh për herë të parë deputet në vitin 2017 në Qarkun e Elbasanit. Belba do të garojë për Bashkinë e Përrenjasit, e cila gjithashtu drejtohet nga Lëvizja Socialiste për Integrim me Miranda Rirën. Një nga betejat më të forta që pritet që të kenë socialistët është ajo për Bashkinë e Kamzës, e cila drejtohet prej disa mandatesh nga Xhelal Mziu i PD-së.

PD nuk është regjistruar në zgjedhje dhe për këtë bashki do të kandidojë deputeti Rakip Suli, i cili prej kohësh dëshironte një garë të tillë. Në historinë e kryetarëve të bashkive pritet të thyhet një rekord tjetër. Partia Socialiste ka rikandiduar për herë të 6-të Gëzim Topçiun për Bashkinë e Maliqit.

Topçiu ka arritur të fitojë pesë herë garën elektorale dhe tanimë pritet të garojë për herë të gjashtë. Krahas këtij, PS do të rikandidojë për herë të pestë Adriatik Zotkajn për në Bashkinë e Poliçanit. Që të dy emrat nga PS nuk kanë asnjë rivalë përballë dhe pritet që të rikonfirmojnë drejtimin e tyre në këto bashki. Për një mandat të tretë do të garojnë Fredi Kokoneshi për Bashkinë e Divjakës dhe Fatos Tushe për Bashkinë e Lushnjës./Burimi:Panorama