Lajm i mirë/ Më 28 mars 2021 fillojnë fluturimet direkte nga Tirana për në…

Aeroporti Ndërkombëtar i Tiranës bën me dije nisjen e fluturimeve direkte me Aeroportin Ndërkombëtar të Dubait dhe anasjelltas, duke nisur nga data 28 Mars 2021.

Linja ajrore me bazë në Dubai, Flydubai, do të operojë dy herë në javë, konkretisht të enjteve dhe të dielave.

Linja e parë me qendër në Dubai që ofron fluturime direkte në këtë itinerar, do të jetë Flydubai.

Fluturimet do të nisen nga TIA në 13.30  duke arritur në DXB në 21.55 në darkë, me orën lokale. Fluturimi i kthimit niset në mëngjes në orën 9.35 me orën lokale, nga Dubai dhe rrin në TIA në 12.30 të drekës.

Mësohet po ashtu se kompania ajrore Emirates, do të operojë tranzit së bashku me kompaninë Flydubai duke u ofruar kështu udhëtarëve më shumë lidhje pa ndërprerje nëpërmjet qendrës ndërkombëtare të aviacionit të Dubait në 155 destinacione përfshirë përfshirë Australinë, Kinën, Oqeanin Indian, Japoninë si dhe Azinë Jugore.

Për orarin e plotë dhe çmimet, ju lutemi vizitoni: https://www.flydubai.com/en/plan/timetable ndërkohë që biletat janë në shitje nga 10 Mars 2021.