LIGJET E BIZNESIT
Mjeku infeksionist Tritan Kalo ka bërë një reagim të fortë së fundmi duke thënë se Partia Socialiste është e mavijosur nga ethet e parave të korrupsionit.
Sipas tij kjo forcë politike mbron interesat e më të pasurve.
“PS e pas Qershorit 2013 është një parti mbrojtëse e interesave të pasunarëve, e “MAVIJOSUR” nga ethet e parave të korrupsionit”, shkruan Kalo.
Postimi ka pasur një numër të madh komentesh dhe mjeku Kalo ka zgjedhur që t’iu kthejë përgjigje disa prej tyre.
Kujtojmë se disa nga prurjet e reja në listat e Partisë Socialiste kanë qenë edhe kolegët e mjekut Kalo, mes tyre edhe shefja e Infektivit Najada Çomo.
Pjesë nga replikat me komentuesit:
Komentuesi: Me sa di, kodi zgjedhor na lejon që brenda skuadrës të zgjedhim më të mirin dhe duke fituar më i miri, në parlament futen më të mirët që dijnë të merren vesh për të mirën e Shqipërisë. Nuk mund të futen të gjithë në një vorbull.
Kalo: Kur në vorbull futen edhe “ materiale” skarco, prishet më pas edhe “gjella” e gatuar në të…
Komentuesi: Është një mendim i përgjithshëm Profesor, ku më shumë shpreh lirinë e fjalës dhe të mendimit, sesa ndonjë denoncim konkret me prova.
Kalo: Unë nuk jam pjesë e tenderave, e policisë gjyqësore, e KLSh-së apo e Prokurorisë që të di konkretisht mbi baza shkresore hollësira, POR sytë e mendjes i kam në vend…Nëse ju keni dokumente të tilla bëjini ato të disponueshme për publikun…
