Opozita vendos! Të hënën protestë kombëtare

Ka zgjatur rreth 1 orë mbledhja në selinë e Partisë Demokratike. Në përfundim të saj, opozita vendosi që të hënën të zhvillojë një tjetër protestë kombëtare, në orën 18:30.

Kreu i PD-së, Lulzim Basha deklaroi se ky vendim u morr në përgjigje të dhunës që u ndërmorr nga policia e Edi Ramës.

“I bëj thirrje qytetarëve të Tiranës që nesër në ora 11.00 të na bashkohen para Drejtorisë së Tiranës për të protestuar për lirimin e qytetarëve të ndaluar nga policia. Sot Shqipërinë e ndanë me thikë, jo në mes. Pjesa më e madhe e shqiptarëve ishin në protestën më të madhe të organizuar ndonjëherë.

Ne jemi Shqipëria e shpresës, europiane, kuq e zi, e shpresës kombëtare që po ngrihet, blu. Ju kërkoj që askush të mos mungojë të hënën në orën 18.30, që ti japim një grusht vendimtar klikës kriminale”, u shpreh Basha.