Nuk dëshironte të shkonte në shkollë/ 17-vjeçari v*et pa mëshirë prindërit dhe motrën e mitur

Një ngjarje e rëndë është shënuar në Rusi ku një 17-vjeçar është arrestuar nga policia. Ai ka vrarë me mjete të forta prindërit dhe motrën e tij, pasi nuk dëshironte të shkonte në shkollë.

Menjëherë pasi kreu vrasjen, adoleshenti veshi rrobat e të atit dhe u largua i qetë nga shtëpia. Ky gjest, hutoi jo pak efektivët e policisë, të cilët mendonin se autori i krimit ishte 40-vjeçari Alexey Gorbunov.

Pas bërjes së analizave të specializuara, rezultoi se kufoma që ndodhej e shpyrfytyruar në shtëpi, ishte e Gorbnov. Rezultoi se 17-vjeçari ishte autori i krimit makabër.

Referuar policisë, ky i fundit u arrestua rreth 360 kilometra larg vendit të krimit, në Ekaterinburg.

Trupi i prindërve dhe i motrës u gjetën në shtëpinë e tyre.

Policia tha se djali ka rrëfyer se e kreu vrasjen pasi nuk dëshironte të shkonte në shkollë, por nëna e tij kishte vijuar të këmbëngulte, çka solli dhe në ndezjen e një konflikti që degjeneroi deri në vrasjen makabre.