“Për ata që nuk besojnë sa i rrezikshëm është” U shërua nga virusi, ministrja e Ramës jep mesazhin e fortë

Ministrja e Arsimit Evis Kushi ka njoftuar së fundmi se ka arritur të fitojë betejën me C OVID19.

Lajmin e ka bërë të ditur ajo vetë me anë të një postimi në rrjetet sociale.

“Një shëtitje në Parkun ‘Rinia’ Elbasan, pas rikuperimit të plotë nga beteja me COVID-19 dhe përpara rikthimit në një javë intensive pune dhe angazhimesh aktive, e lehtësuar dhe me dëshirën e madhe për të shërbyer me përgjegjësi dhe përkushtim”, shkruan Kushi.

Gjithashtu ministrja ka vënë në dukje rrezikshmërinë e virusit dhe apelon për shumë vigjilencë nga të gjithë.

“Ndjesë që isha larg zyrës më gjatë nga sa e kisha menduar, por për të gjithë ata që ende nuk e besojnë sa i rrezikshëm është ky virus, jua them nga përvoja ime personale dhe e familjes sime. Kujdes dhe sa më shumë vigjilencë në respektimin e të gjitha masave parandaluese, për shëndetin tuaj dhe të familjarëve të dashur!” – shprehet Ministrja Evis Kushi.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Në fund të mesazhit Kushi i falenderon të gjithë për mbështetjen dhe mesazhet inkurajuese që i janë dërguar gjatë këtyre ditëve.