E trishtë/ Humbi jetën në aksidentin tragjik, 16-vjeçari djali i zyrtarit të lartë të PS

Një aksident i rëndë ndodhi mbrëmjen e djeshme në Sukth të Durrësit.

Për pasojë u plagosën 4 persona.

Ndërkohë sot policia bëri me dije se ka humbur jetën në spital një 16-vjeçar, i cili mbeti i plagosur në këtë aksident.

Mësohet se ai është i biri i ish-administratorit të Njësisë Administrative Sukth, Rrapo Osmani.

Kujtojmë se aksidenti u shënua si pasojë e përplasjes  së një mjeti tip ‘Benz’ me një automjet tip ‘Renault’.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Personat e lënduar ishin drejtuesi i mjetit ‘Renault’, i cili ndërroi jetë ditën e sotme në spital si dhe shtetasit E.B, 18 vjeç, B.M, 16 vjeç, dhe Z.B, 15 vjeç.

Policia e Shtetit ka arrestuar drejtuesin e mjetit tip ‘Benz’, shtetasin Gj. B., 54 vjeç, banues në Durrës, për veprën penale “Shkelje e rregullave të qarkullimit rrugor”.