Kjo është 47-vjeçarja që u gjet me fyt të prerë në Malësi të Madhe

Gruaja që  shfaqet në foton e mëposhtme quhet Violeta Gurraj, 47-vjeçarja e cila u gjet e vdekur ditën e sotme në fshatin Bajzë në Malësi të Madhe. Viktima kishte shenja të theksuara dhune në trup.

Prej tre ditësh, djali i saj kërkonte të komunikonte me nënën e tij mirëpo kjo e fundit nuk ia kishte hapur telefonin. Marrë shkas nga një situatë e tillë ai ka bërë denoncim në polici mbrëmjen e së dielës.

Ditën e sotme, autoritetet arritën në shtëpinë e saj dhe e thyen derën me forcë. Brenda gjetën viktimën të mbuluar në gjak. Sipas fqinjëve, 47-vjeçarja vuante nga depresioni.

Ajo ishte në konflikt me familjaret e ish-bashkëshortit, i cili mësohet se i është vrarë para shumë vitesh.

Më herët 47-vjeçarja është shoqëruar dy herë në polici për konflikte me fqinjët, madje ka qenë e dënuar me 5 muaj burg për “dhunë në familje” dhe “kundërshtim të forcave të policisë”.